لو أولادنا عاوزين لعبة كمبيوتر او بلاى ستيشن أو اى لعبه تشتغل على جهاز ترفيهى
هل المفروض أننا نشتريها لهم من غير مانكون عارفين اللعبه دى تصلح لسنهم ولا لأ؟
فيها الفاظ خارجه او مشاهد اباحيه أو فلسفه صعبه على عقولهم أستيعابها أو مشاهد عنف
فى طريقه سهله جداً عن طريق المعدل اللى مؤسسة ESRB بتعطيه ل اللعبه؟؟؟؟
المؤسسه دى أتعملت عشان تكون مرشده للأباء والأمهات
نبدأ:
على كل لعبة علامة مربع جواها حرف و ده المعدل وله 6 انواع:
1- C : ومعناها الطفولة المبكره يعنى من سن 4 سنوات حتى 6 سنوات
فاللعبه بريئه فيها الوان وجذابه للأطفال وخاليه من العنف أو الألفاظ او التعقيد.
2- E : معناها للجميع يعنى تصلح للأطفال والكبار وده ينطبق على الألعاب الممتعه التى لايملها الصغار او الكبار وهى أيضاً خاليه من كل مايثير الحياء أو الحرج.
3- E+10 : ومعناها للكبار والأطفال ولكن من سن 10 سنوات لأن فيها درجه من الصعوبه والأرهاق العقلى للطفل الصغير السن .
4- T : للمراهقين من سن 12+ وده معناه ان اللعبه قد تقوم على قصه معقده قليلاً لايستوعبها الطفل وقد تحتوى على بعض الأيحاءات بالعنف أو السخريه أو التهكم السياسى والذى لايستوعبه الطفل.
5- M: للناضجين من هم اعلى من سن 17+ ودى نوعية ألعاب تحتوى بعضها على عنف ودمويه وبعضها تحتوى مشاهداباحيه وتعرى ولاتناسب مجتمعنا
6- A: دى بقى أشبه بالأفلام الأباحيه ولا تناسب سوى أشخاص منحرفين منحلين .
يارب اكون قدمت معلومة مفيدة من اجل أطفالنا